نوف سعد الخبيزي، مهندسه معماريه خبره 19 سنه في دبي، ومرشده معتمده للدعم والارشاد العاطفي. اتجاهها في التصميم هو دمج فكره المبادئ الخضراء مع فينج شوي والعناصر الخمسه للطبيعه. من ضمن ابرز اعمالها معرض بنتلي شوروم واستون مارتن شوروم في دبي وابو ظبي.
مين نوف؟ عرفت على من الكويت، درست هندسه كهربائيه في الكويت كبدايه، بعدين قررت اسوي هندسه معماريه في الامارات. اشتغلت في العماره فتره طويله بعدين اشتغلت في البروجكت مانجمنت، اداره المشاريع، اللي خلاني انتقل من منسقه معماريه الى مديره مشاريع. وعندي شغف لعلوم السايكولوجي، درستها ثمان سنوات واشتغلت فيها. قبل كورونا تسكرت شركه، بعد كورونا انفتحت شركه ثانيه، بس للحين في هذا المجال لانه شغفي. انا فنانه ارسم ايضا.
احب ادمج بين الاثنين، العلوم النفسيه والفن والعماره، من وانا صغيره. اثنينهم يعطون تجربه انسانيه، بالمشاعر وفي المكان والبيئه، فبالنسبه لي هم نفس الشيء بس مجالين مختلفين.
احدث حاجه اكتشفتها وخليتني استغرب: بلاط ينحط على الواجهات ويطلع منه زرع، ما تحتاج انك تزرع فيه ولا تحط له ماي، اسمه بلاط جيولوجيك، سلف بلانتي، لانه يستخدم الرطوبه مالت الجو. يحسن البيئه اللي حوالين البيت، الاكسجين يكون عالي، ويصير عازل للبيوت، بالذات عندنا في المنطقه. لسه في مرحله الار اند دي، البحث. اتوقع راح استخدمها في كل المشاريع، تبرد الجو ودرجه الحراره تنزل فوق الست درجات. الزرع ما يكبر لدرجه انه يضطر، حجمه معين، فشكل البنيان دايما راح يكون متغير والوانه مختلفه وبنفس الوقت يحمي وعازل.
اول تجربه غيرت تفكيري: الجينات والبيئه، احنا عائله فنيه من ناحيه الوالد والوالده، من وانا صغيره كنا نسوي القطع الفنيه في البيت، والناس تطلب منا، فمن وانا صغيره احب المجال انك تسوي شيء من ولا شيء. المواضيع الفنيه معظمها موروثه، خلينا نقول 70%، واذا عندك ناس تشجع يساعدك انك تتجه له.
ايه المشكله اللي ما تخليك تنامي؟ كلمه هاجس ما احبها لانها اكستريم، انا احب الاتزان. بس الشيء اللي ما يخليني انام لما اكون قاعده اسوي تصميم ويصير في بلوك، ما اقدر الاقي الحل. شغلتي الاقي حلول من الناحيتين، النفسيه والهندسه، فاذا ما لقيت الحل ما ينومني. نصيحه للفنان عشان يتخطى الارتست بلوك: التوتر يمنعك تبدع، فابعد نفسك، اشغل نفسك باي شيء ثاني، طالع فيلم، اطلع من البيت، ريفريش، تامل، ثم ارجع. اذا انت في وضع سلبي وهرمونات التوتر شغاله، الحل ما راح يجي. المخ بيحول ينقذ جسمك بدال ما يلاقي لك الحل.
اكبر سوء فهم في مجالي: في ناس عندهم خلط بين العماره والهندسه المعماريه. العماره تركز على الفن والشكل، لكن الهندسه المعماريه تركز على الناحيه التقنيه ايضا، شلون راح ينبني، الانشائيه والكهربائيه. اي شخص ممكن يحب الفن ويسوي فن، لكن المهندس المعماري دارس الموضوع، يسوي لك شيء متاكد انه راح ينبني، ما في مفاجات وقت البنيان. والشغله الثانيه: يقولون التصميم عباره عن سوفت وير او اي اي، لا، الاي اي ممكن يعطيك كونسبت او شكل خارجي، لكن شلون يكون وظيفي، وين تحط الغرفه والمطبخ والسيركوليشن، هذا ما يسويه. العامل الانساني للحين لازم يكون موجود.
القرار اللي غير مساري: كنت استشاريه هندسه معماريه، بعدين قررت اسوي بروجكت مانجمنت، وقالوا لي لازم يكون عندك خبره في اداره المشاريع عشان نقبلك. غيرت من مصمم الى شخص يمثل المالك من كل النواحي، ماديا، تتعامل مع مقاولين، تدرس عقود، تسوي مناقصات، وتتعامل مع براندات زي بنتلي واستون مارتن. زي اللاب توب، قبل كنت الرام، بعدين صرت البروسيسر اللي يلنك كل حاجه ببعضها.
الاداه اللي تخليني منتجه ومنضبطه: الميديتيشن، التامل، انك تشيل مخك وتعطي جسمك فرصه يرتاح، هذا اللي يخليك منتج بابداع، مو بس انتاجيه عاديه. الماركت في اي مجال محتاج تبقى كريتيف، لان في كوبي كاتس كثير. اللي انسان محتاجه: يوجه الافورت بتاعته في المكان الصح. الشغله الثانيه: لا تصير تو براود، حط ورقه وقلم واكتب شنو المفروض تسوي ومتى المواعيد، لان مخك يقول لك راح تتذكر وانت ما راح تتذكر. تامل واكتب.
لو ابتديت من الصفر: بديت من الصفر ريسنتلي بسبب كورونا، كانت نعمه، ايتس بلسينج، غيرت كثير ناس. بديت في الشغف مالي. ليه دبي؟ لان دبي مفتوحه للعالم اكثر، تشوف ناس من كل مكان، والثقافات والهويات مهمه عندي، من الناحيه النفسيه والهندسيه. كل شيء موجود وبمتناول الايد.
النصيحه اللي لازم الناس يتجاهلوها: لوي قال اول شيء تجي الوظيفه بعدين الشكل، لكن العماره هويه وثقافه وتجربه بشريه، ما نقدر نقول انها بس وظيفه. والشغله الثانيه: الستاندردز والاساسيات مالت الهندسه كاتبينها ناس، مو ضروري نفولوها اذا مادام ما فيها خطر. الشخص يقدر يكسر القواعد. الحقبه المفضله عندي: اتلي، الاركيتكتشر الاورجانك، جاودي، من اوائل اللي سوى شيء اورجانك قبل زها حديد.
الرساله للجيل القادم: اذا في شخص يبي يسوي شيء في حياته، شوف شنو الشيء اللي انت شاطر فيه، شنو الشغف مالك، شنو اللي يحطك في حاله تدفق، وابتدي من هذا الموضوع. هذا اللي ما راح يخليك تحس انك تشتغل، وانت قاعد تستانس وكلك سعاده وانت توصل لهدفك. نوف بسطنا جدا بلقائك، يعطيك العافيه.